videos chti.c.la

 A tous les papas, j'leu souhaite eine bonne fiête, ch'est vraimint un biau jour pou vous tertous. Vo êtes fin bénache quind vo véyez arrivé eine tiote tiête blonte o ben noirte, aveuc l'cinquintième cravate o ben l'chintième eau d'toilette ou après rasache et aveuc tout cha un dessin tout plein d'couleur et d'tiots coeurs et signé d'eine main malabile, cha ch'est core c'qui a d'pusse ed valeur pou vous. Et quind y vous dich'tent bonne fiête papa, ch'est tell'mint touchant qu'vous avez ben du maux à arténir vos larmes. Mais qué belle fiête, qué l'fiête des papas, des papis, des arrières papis o bin pépés, ch'est à vo motte. Et messieurs mînme si vous n'l'es mettez point au monne, pou vous l'infant qui né, ch'est vote pus précieux trésor et vous l'attindez comme vo fînme, pététe aveuc core pusse d'ingoisse qu'elle, quind y'est pou arrivé dins no monne. Ch'est tell'mint attindrissant, mînme si y pleure et qui soumaque in tiot peu et quèque fos y passe el diape, in craque d'vint li.
Alorsse continuez à amicloter nos tiots trésors, BONNE FIÊTE A TOUS LES PAPAS, j'leu fais eine masse ed bisous su leu front et autant à leus fînmes ANNIE BACOUET